Геры — старшакласніца, якая жыве ў дзіцячым доме ў правінцыйным балгарскім горадзе Враца. Дзяўчына марыць паступіць ва ўніверсітэт на сацыяльнага педагога, каб дапамагаць такім жа кінутым дзецям, як і яна сама. Хутка выпускныя экзамены, і для Геры яны маюць большае значэнне, чым для ўсіх астатніх, бо пасля заканчэння школы ёй давядзецца пакінуць дзіцячы дом. Яна ўспамінае сваё мінулае жыццё са зводным старэйшым братам і хатні гвалт, які стаў прычынай распаду яе сям’і. Геры хоча высветліць, чаму бацькі кінулі яе і чаму яна ў выніку не трапіла да прыёмных бацькоў, ды сумняваецца, ці варта запрашаць маці на выпускны. Таксама ў дзяўчыны ёсць былы хлопец, які хацеў, каб яна кінула вучобу і пераехала з ім у Германію. Паўсядзённае жыццё Геры поўнае надзей і маленькіх радасцей, але хутка яе чакаюць новыя павароты лёсу. Ці здолее дзяўчына справіцца з імі і не паўтарыць памылкі дарослых?

Пра фільм

Мова арыгіналу: балгарская

Субцітры: беларускія | англійскія