Дзяўчына на мяжы нервовага зрыву: ратуючыся ад пераследаў на радзіме, маладая актрыса пераязджае ў Польшчу, дзе становіцца ахвярай сэксуальнага дамагання. Меладрама са шчаслівым канцом, у якой тэма нацыянальнай траўмы суседнічае з актуальным еўрапейскім трэндам барацьбы жанчын за свае правы.

Няўдачлівы (Pulp Animation): чарада прафесійных прамашак і фатальных супадзенняў прыводзіць жыццё ардынарнага няўдачніка да крывавай развязкі. Чарговая «жамчужына» аб сіле насмешлівага лёсу ў фільмаграфіі меланхалічнага паэта Юрыя Сямашкі.

О дзівосны новы свет: «чорная» сатыра-антыўтопія па-беларуску. Калекцыя кафкіянскіх анекдотаў пра грамадства, якое жыве пад лозунгамі «Вайна — гэта Мір, Свабода — гэта Рабства, Няведанне — гэта Сіла».