СЛУХАЦЬ І ЧУЦЬ. Шведскія кароткаметражкі у праграме «Паўночнага ззяння-2020»
З 22 па 29 кастрычніка кінафестываль «Паўночнае ззянне» адбудзецца ў новым online-фармаце. Адным з новаўвядзенняў у сёлетняй праграмме з’яўляюцца кароткаметражныя стужкі са Швецыі - 5 фільмаў, знятых шведскімі рэжысёркамі, утвараюць агульнае выказванне пра правы жанчын і разбураюць стэрэатыпы.
Пытанні жаноцкасці падымаюцца ў фільме «Выпад» («Юк») трох рэжысёрак Алівіі Кастэбрынг, Юліі Гумперт і Ульрыкі Бандэйра. «Юк» — танцавальная група, якая стала вядомая ў 2013 годзе дзякуючы віруснаму відэа. У ім жанчыны заявілі пра сябе, змяніўшы ўяўленне аб жаночым целе і тым, як яго можна дэманстраваць. Стужка спалучае ў сябе дакументальныя, танцавальныя і мастацкія элементы.
Працягвае тэму разбурэння стэрэатыпаў стужка «Калектыў», якая спрабуе паглядзець на патрыярхальны лад з іншага боку. Акцёры рыхтуюць «нетрадыцыйную» версію трагедыі Эўрыпіда «Медэя». Калі іх прыпыняе група дзяўчынак-падлеткаў, яны разумеюць, што, магчыма, не настолькі прагрэсіўныя, як думаюць.
«Прабачце, мне не шкада» — фільм пра гвалтоўны прымус дзяўчынкі рабіць тое, чаго яна не хоча. Летнім вечарам Ферыдэ ішла дадому з вечарынкі і сустрэла групу хлопчыкаў, якія спявалі ў драўляным чоўне. Пасля таго як Ферыдэ дапамагла ім адрамантаваць матор, яна не па сваёй волі адправілася ў плаванне.
Актуальная тэма падымаецца ў стужцы «Дані»: як складана сысці з таксічных адносінаў, асабліва калі ў іх трымае агульнае дзіця. Хутка пасля нараджэння дзіцяці маладая Дані адчувае, што павінна разарваць дэструктыўныя адносіны з Робертам, яго татам. Калі Роберт пакідае працу ў Лондане і наведвае Дані з яе істэрычнай маці ў прыгарадзе Стакгольма, усё становіцца яшчэ горш.
Стужка «Джаміла» пра тое, як зрабіць правільны выбар, нават калі ты яшчэ маленькая дзяўчынка. Як не зламацца пад ціскам і не нарабіць памылак? Джаміла і яе сябры трэніруюцца перад выступам на шоу талентаў, і нічога не можа адцягнуць яе ўвагу. Нават пытанне малодшай сястры Лэйлы, ці атрымае іх сям’я палітычны прытулак. Але, калі паліцыя раптам прыходзіць у школу, Джаміла пачынае хвалявацца. Ці паставіць гэты выступ пад пагрозу іх бяспеку, ці трэба ёй адмовіцца ад удзелу і тым самым рызыкаваць сяброўствам?
У падтрымку праграмы шведскіх кароткаметражных фільмаў, у межах фестывалю адбудзецца online-дыскусія з кураткаркай гэтай праграмы са Швецыі - Эшлі Сміт. Размова з Эшлі «Як змясціць вялікую гісторыю ў кароткім метры» адбудзецца 28 кастрычніка, паглядзець яе і задаць пытанні можна ў сацыяльных сетках кінафестывалю.
Глядзіце расклад праграмы шведскіх кароткаметражных фільмаў «Паўночнага ззяння-2020» на нашым сайце. Адмыслова для аматараў кароткаметражнага кіно мы зрабілі асобны пакет гэтых стужак, які можна набыць тут.
Пры падтрымцы: Nordisk KulturFond (Данія), Nordic Council of Ministers (Данія) Арганізатары: кінакампанія Volia Films, Індывідуальны Прадпрымальнік Чайкоўская В.М. Суарганізатары: Амбасада Каралеўства Швецыя ў Беларусі, Амбасада Нарвегіі ў Кіеве, Дацкі Інстытут культуры ў Літве, Латві і Эстоніі, тэлеканал «Настоящее время», mediatech. by Генеральныя партнёры: Офіс Амбасады Фінляндыі ў Беларусі, Амбасада Эстоніі ў Беларусі, Пасольства Літвы ў Беларусі, Амбасада Латвіі ў Беларусі, Ісландскі цэнтр кіно, Фінскі фонд кіно, Эстонскі інстытут кіно, Нарвежскі інстытут кіно, Шведскі інстытут кіно, Дацкі інстытут кіно, Літоўскі цэнтр кіно, Нацыянальны кінацэнтр Латвіі, B2BDOC — Baltic to Black Sea Documentary Network. Партнёры: арт-суполка «Sinie Gory», рэнтал-хаўз FirstRental, DataHata. by, Майстэрня сацыяльнага кіно, Eclab. by, Eclab. by — European College of Liberal Arts in Belarus. Інфармацыйныя партнёры: BYCARD, CityDog, 34mag.net, AfishaTUT. by, TheVillage, Kyky.org