Сюрпрыз

Блогер-інцэл, захоплены тэорыямі пра падаўленне мужчынскай сэксуальнасці, упершыню задумваецца пра працяг роду пасля таго, як прыязджае на пахаванне маці ў Капенгаген. Саркастычна-меланхалічная драма атрымала прыз праграмы «Сінефондасьён» на Канскім кінафестывалі.

У кавярні трое бізнес-партнёраў вядуць перамовы, калі прама перад імі ў акно ўразаецца чайка. Пасля гэтага сумная дзелавая сустрэча абрастае захапляльнымі маральнымі дылемамі.

Чарговае пагружэнне ў замкнёную інтымнасць традыцыйнай эстонскай саўны ад Ганны Хінтс («Сястрынства лазні па-чорнаму»). Голыя потныя мужчыны рознага ўзросту амаль моўчкі сядзяць поплеч, пакуль памяшканне лазні не ахоплівае пара, а тэмпература няўхільна павышаецца.