Журы Беларускага конкурсу

Сёлетні Беларускі конкурс уключае 14 фільмаў: поўнаметражныя і кароткаметражныя; ігравыя, дакументальныя і анімацыйныя; сацыяльныя, правакацыйныя і камедыйныя стужкі.

Фільмы Беларускага конкурсу традыцыйна будзе ацэньваць міжнароднае журы, якое абярэ Найлепшы фільм сярод удзельнікаў. Таксама журы можа дадаткова адзначыць конкурсныя фільмы Спецыяльнай згадкай.

Сёлетні Беларускі конкурс уключае 14 фільмаў: поўнаметражныя і кароткаметражныя; ігравыя, дакументальныя і анімацыйныя; сацыяльныя, правакацыйныя і камедыйныя стужкі.

Фільмы Беларускага конкурсу традыцыйна будзе ацэньваць міжнароднае журы, якое абярэ Найлепшы фільм сярод удзельнікаў. Таксама журы можа дадаткова адзначыць конкурсныя фільмы Спецыяльнай згадкай.

Гэлеэн Хэрытсэн (Нідэрланды, 1978 год) вывучала славянскія мовы і эканоміку ў Амстэрдаме і Санкт-Пецярбургу. Пераехала ў Германію ў 2003-м, дзе скончыла курс кінапрадзюсавання і пачала супрацоўнічаць як прадзюсарка з рознымі кінакампаніямі і тэлетранслятарамі: ARTE, ZDF, VPRO і SWR — пераважна з тымі, хто факусаваўся на Усходняй Еўропе і постсавецкай прасторы. Гэлеэн курыравала кінапраграмы (напрыклад, для Міжнароднага літаратурнага фестывалю ў Берліне) і выступала як паспяховая прадзюсарка эксперыментальнага кароткаметражнага кіно. У 2009-м Гэлеэн выпусціла першы поўнаметражны дакументальны фільм і заснавала сваю прадзюсарскую кампанію. З 2014-га да 2016-га была дырэктаркай еўрапейскага фестывалю дакументальнага кіно dokumentART у Нойбрандэнбургу. З кастрычніка 2017-га Гэлеэн узначальвае фестываль кіно Цэнтральнай і Усходняй Еўропы goEast, арганізаваны Нямецкім кінаінстытутам DFF. Адна з заснавальнікаў Асацыяцыі еўрапейскага дакументальнага кіно, удзельніца Еўрапейскай кінаакадэміі.

ГЭЛЕЭН ХЭРЫТСЭН

Дырэктарка goEast — Фестываль кіно Цэнтральнай і Усходняй Еўропы, кінапрадзюсарка, рэжысёрка

Нідэрланды / Германія

Ганна Бадзяка — дакументалістка з журналісцкім бэкграўндам. Вывучала філалогію ў Беларускім дзяржаўным універсітэце. Працавала відэажурналісткай у незалежных анлайн-медыя і на тэлеканале Белсат, факусавалася на сацыяльных праблемах. Працавала як сцэнарыстка і рэжысёрка для тэлевізійных праектаў, скіраваных на паглыбленыя рэпартажы і вытворчасць дакументальных фільмаў. Фільм «Радзіма», сурэжысёркай якой яна з’яўляецца, стаў яе поўнаметражным дакументальным дэбютам. Як дакументалістка працуе са складанымі тэмамі, праблемным рэгіёнамі і пытаннямі ідэнтычнасці.

ГАННА БАДЗЯКА

Рэжысёрка, журналістка

Беларусь / Украіна

Марыянэ Острат — эстонская прадзюсарка, заснавальніца кінастудыі Alexandra Film і анімацыйнай студыі Fork Film. Яе ранейшыя дакументальныя, мастацкія і анімаваныя фільмы паказваліся на кінафестывалях у Венецыі, Сан-Себасцьяне, Карлавых Варах і фестывалі SXSW. Трэцяя поўнаметражная стужка Марыянэ, дакументальны фільм «Сястрынства лазні па-чорнаму», мела беспрэцэдэнтнае для эстонскага кіно міжнароднае прызнанне: узнагарода за рэжысуру на кінафестывалі Sundance, Еўрапейская кінапрэмія, ісландская ўзнагарода за найлепшы дакументальны фільм, 4 узнагароды EFTA дома, узнагарода IDA, а таксама Cinema Eye Honors за найлепшую кінематаграфію. Острат была намінаваная на ўзнагароду Гільдыі прадзюсараў Амерыкі ў 2024-м. Нядаўна прэзентавала пакадравы кароткаметражны фільм «On Weary Wings Go By» Ану-Лаўры Тутэльберг (кінафестываль у Лакарна, секцыя Pardi di Domani) і кароткаметражную драму «Закон джунгляў» Мадлі Лаанэ (прэмія кінафестывалю ў Одэнсэ). Марыянэ жыве ў Таліне і выкладае кінапрадзюсаванне на магістарскай праграме KinoEyes Movie Masters у кінашколе Baltic Film and Media School. Уваходзіць у Еўрапейскую кінаакадэмію і Гільдыю прадзюсараў Амерыкі.

МАРЫЯНЭ ОСТРАТ

Кінапрадзюсарка

Эстонія

Гэлеэн Хэрытсэн (Нідэрланды, 1978 год) вывучала славянскія мовы і эканоміку ў Амстэрдаме і Санкт-Пецярбургу. Пераехала ў Германію ў 2003-м, дзе скончыла курс кінапрадзюсавання і пачала супрацоўнічаць як прадзюсарка з рознымі кінакампаніямі і тэлетранслятарамі: ARTE, ZDF, VPRO і SWR — пераважна з тымі, хто факусаваўся на Усходняй Еўропе і постсавецкай прасторы. Гэлеэн курыравала кінапраграмы (напрыклад, для Міжнароднага літаратурнага фестывалю ў Берліне) і выступала як паспяховая прадзюсарка эксперыментальнага кароткаметражнага кіно. У 2009-м Гэлеэн выпусціла першы поўнаметражны дакументальны фільм і заснавала сваю прадзюсарскую кампанію. З 2014-га да 2016-га была дырэктаркай еўрапейскага фестывалю дакументальнага кіно dokumentART у Нойбрандэнбургу. З кастрычніка 2017-га Гэлеэн узначальвае фестываль кіно Цэнтральнай і Усходняй Еўропы goEast, арганізаваны Нямецкім кінаінстытутам DFF. Адна з заснавальнікаў Асацыяцыі еўрапейскага дакументальнага кіно, удзельніца Еўрапейскай кінаакадэміі.

ГЭЛЕЭН ХЭРЫТСЭН

Дырэктарка goEast — Фестываль кіно Цэнтральнай і Усходняй Еўропы, кінапрадзюсарка, рэжысёрка

Нідэрланды / Германія

Ганна Бадзяка — дакументалістка з журналісцкім бэкграўндам. Вывучала філалогію ў Беларускім дзяржаўным універсітэце. Працавала відэажурналісткай у незалежных анлайн-медыя і на тэлеканале Белсат, факусавалася на сацыяльных праблемах. Працавала як сцэнарыстка і рэжысёрка для тэлевізійных праектаў, скіраваных на паглыбленыя рэпартажы і вытворчасць дакументальных фільмаў. Фільм «Радзіма», сурэжысёркай якой яна з’яўляецца, стаў яе поўнаметражным дакументальным дэбютам. Як дакументалістка працуе са складанымі тэмамі, праблемным рэгіёнамі і пытаннямі ідэнтычнасці.

ГАННА БАДЗЯКА

Рэжысёрка, журналістка

Беларусь / Украіна

Марыянэ Острат — эстонская прадзюсарка, заснавальніца кінастудыі Alexandra Film і анімацыйнай студыі Fork Film. Яе ранейшыя дакументальныя, мастацкія і анімаваныя фільмы паказваліся на кінафестывалях у Венецыі, Сан-Себасцьяне, Карлавых Варах і фестывалі SXSW. Трэцяя поўнаметражная стужка Марыянэ, дакументальны фільм «Сястрынства лазні па-чорнаму», мела беспрэцэдэнтнае для эстонскага кіно міжнароднае прызнанне: узнагарода за рэжысуру на кінафестывалі Sundance, Еўрапейская кінапрэмія, ісландская ўзнагарода за найлепшы дакументальны фільм, 4 узнагароды EFTA дома, узнагарода IDA, а таксама Cinema Eye Honors за найлепшую кінематаграфію. Острат была намінаваная на ўзнагароду Гільдыі прадзюсараў Амерыкі ў 2024-м. Нядаўна прэзентавала пакадравы кароткаметражны фільм «On Weary Wings Go By» Ану-Лаўры Тутэльберг (кінафестываль у Лакарна, секцыя Pardi di Domani) і кароткаметражную драму «Закон джунгляў» Мадлі Лаанэ (прэмія кінафестывалю ў Одэнсэ). Марыянэ жыве ў Таліне і выкладае кінапрадзюсаванне на магістарскай праграме KinoEyes Movie Masters у кінашколе Baltic Film and Media School. Уваходзіць у Еўрапейскую кінаакадэмію і Гільдыю прадзюсараў Амерыкі.

МАРЫЯНЭ ОСТРАТ

Кінапрадзюсарка

Эстонія