Другі год запар «Паўночнае ззянне» праводзіць міжнародны конкурс дэбютных фільмаў. Сёлета ў ім удзельнічаюць сем стужак рэжысёраў з Даніі, Швецыі, Нарвегіі, Латвіі ды Босніі і Герцагавіны. Знятыя ў розных фарматах — ад гонза-дакументалістыкі да падлеткавай драмеды, — яны прапануюць свежы погляд на сацыяльныя праблемы, сямейныя адносіны, мастацтва і сталенне. Большасць фільмаў, прадстаўленых у конкурсе, адзначаны ўзнагародамі і намінацыямі на найбуйнейшых фестывалях: Венецыянскі кінафестываль, Лакарна, CPH:DOX, кінафестываль у Гётэборгу.